"Qarindoshdan qiz olib xato qildim"

- To'rt nafar farzandni oq yuvib, oq tarab katta qildim. Qizlarimni uzatgach, o'g'limni uylantirish taraddudiga tushib, kelin izlay boshladim. Lekin qishlog'imizda o'g'limning ko'ngliga yoqadigani topilmadi. Otasi kattakon idoraning rahbari bo'lgan bir shaharlik qizning xonadoniga sovchilikka bordim. Ammo ular bizni o'zlariga teng ko'rishmadi. Rad etishdi.

Shundan so'ng noiloj qo'shni tumanda yashaydigan singlimning bo'y yetgan qizini so'rattirdim. Bilmadim, singlim bilan kuyovimning ham ko'nglida shu gaplar bor ekanmi, darhol rozi bo'lishdi. Dang'illama to'y qilib, yetti mahallaga yetadigan dasturxon yozdik. Kelinim aqlli, saranjom-sarishta, xuddi o'zim orzu qilgandek edi. Bir pasda farzandlarimiz bir-biriga ko'ngil qo'yishib, inoq yashab ketishdi. Faqat... Faqat... Birinchi nabiram yetti oyga yetar-yetmas o'lik tug'ildi. Ikkinchisining umid bilan sog'lom dunyoga kelishini kuta boshladik. Ammo nabiram nogiron tug'ildi. Uning ko'zi g'ilay, oyoqlari tug'ma falaj edi. Ko'rsatmagan do'xtirimiz qolmadi. Hammasiga bir xil: "Qarindosh-urug'chilikning asorati bu", deyishdi. Kelinim yana homilador bo'lganida hammamiz yurak hovuchladik. Bunisi ham sog'lom tug'ilmadi. Axiyri ular ajrashishga qaror qilishdi. Singlim: "Siz sovchi bo'lib kelmaganingizda qizimni berish esimda yo'q edi", deya ginalab, qizining ko'ch-ko'ronini yig'ishtirib ketdi. Mana, uch yildirki, biz opa-singillar yuz ko'rmasmiz. Ba'zida qilgan ishimdan pushaymon bo'lib, yig'lab-yig'lab olaman. Bu taqdirni hech kimga ravo ko'rmayman.

D.
Farish tumani
Manba: www.hazon.uz

Ushbu bo'limdagi yana bir maqola "Xotinimning noshudligidan kuydim" »

1

  • Nurali_778

    Keyingi pushamon uzinga dushman

    Nurali_778 09.12.2017 13:34

Fikr bildiring

Sahifa boshiga qaytish